Innkalling til Årsmøte 2024

Tidspunkt: onsdag 17.04.24 kl.20:30

Lokasjon: Volda Turisthotell

Det blir servert pizza og drikke til deltakarane.

Sakliste:

1. Godkjenne dei som har stemmerett.

2. Godkjenne innkallinga og saklista.

3. Val av møteleiar, skrivar og to medlemar til å sign. protokollen.

4. Handsame årsmeldinga for 2023

5. Handsame rekneskapen for 2023

6. Handsame innkomne forslag/ saker.

7. Fastsette medlemskontingent og treningsleige for 2025.

8. Vedta budsjettet for 2024.

9. Godkjenne kontrollkomiteens rapport.

10. Val av nytt styre. (leiar, nestleiar og kasserer oppe til val)

Forslag på saker til årsmøte må sendast styret på sms eller på e-post.

Frist: 10.04.24. til mobilnr: 47012458 eller Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Volda Tennislag

Vebjørn Krumsvik Skeide (leiar.)

 

Melder om at grusbana pÃ¥ Haualeite no er open for spel. Gjer dykk kjend med stell og vedlikehald av bane før de brukar bana. Oppslag heng pÃ¥ inngangsdøra. Booking gjerast i menyen til venstre. 

Mvh utebaneteamet. 

Innkalling til Årsmøte.

Tidspunkt: fredag 04.06.21 kl.19:00

Lokasjon: Volda Turisthotell

NB: lokasjon kan bli endra på kort varsel. Ny info kjem i så fall via nettsida og facebook.

Det blir enkel koronavennleg servering om forholda tillet det etter årsmøtet til dei frammøtte.

 

Alle som skal møte må melde frå til underteikna på mail grunna koronahensyn.

Sakliste:

1. Godkjenne dei som har stemmerett.
2. Godkjenne innkallinga og saklista.
3. Val av møteleiar, skrivar og to medlemar til å sign. protokollen.
4. Handsame årsmeldinga for 2020
5. Handsame rekneskapet for 2020
6. Handsame innkomne forslag/ saker.
7. Fastsette medlemskontingent og treningsleige for 2021/2022.
8. Vedta budsjettet for 2021.
9. Val av nytt styre. (leiar, nestleiar og eit styremedlem oppe til val)

 

Forslag på saker til årsmøte må sendast styret på sms eller på e-post seinast  01.06.21. til mobilnr. 47012458 eller Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

 

 

 

Volda Tennislag

Vebjørn Krumsvik Skeide (leiar.)

 

https://norsktennis.no/flere-lagkamper-pa-trappene/

Gje Ole Wirum ein lyd pÃ¥ 41255325 om du ynskjer Ã¥ delta eller Ã¥ fÃ¥ meir info om arrangementet!  

REGLAR FOR BRUK AV GRUSBANA!

Regel 1:

Den gylne regel at ein ALDRI skal spele når dekket er så mjukt at tennisskoa setter spor eller hakk. Det vert då gravd djupe hol, grusen flyttast og bana vert ujamn over tid. Du skal ikkje kunne presse fingeren ned i øvste laget av dekket som på bileta under. Då er bana for våt!

Løysing: Vent til bana er tørr nok!

Regel 2:

Grusbana skal heller ikkje spelast på dersom du har feil sko!

Den eineste rette skotype er tennissko!

Alle andre sko forbudt å bruke! Andre sko enn tennissko er enten for mjuke, fordelar ikkje kroppstrykket godt nok og har lettare for å rive opp grusen, samt linjene.

Løysing: Kjøp tennissko som er påbudt. Dei har hard, flat såle som fordeler trykket jevnt. Skoene gjer deg også ei mykje betre speloppleving, samt å beskytte deg mot skadar som til dømes overtråkk. Det finst eit lite sortiment av lånesko i utstyrsskuret. Dersom du finn ein størrelse som passar, så bruk desse til du får kjøpt deg eigne tennissko.

Regel 3:

Bana skal ikkje spelast på dersom den er for tørr!

Grusbaner treng vatn for å halde på grusen. Bana får då ei djup og metta raud farge, som er «rett» farge for ei grusbane. Er bana for tørr vil grusstøv virvle opp mens du spelar, grusen vil få ein lys og grålig raudfarge og dette gjer at grusen blås vekk og fordelast ujamnt på bana.

Løysing: Vatne heile grusdekket med vatnslangen. Spesielt viktig er det å vatne i området 2 meter foran grunnlinja og 3 meter bak grunnlinja, fordi det er her me beveger oss mest. Les meir opp vatning av bana under «Vedlikehald av bana» på innsida av døra!

Vedlikehald av bana!

Kosting:

Spelarar som er ferdige med å spele skal koste bana og reingjere linjene. Linjene kostast etter at bana er kosta. Kost også utanfor strekane på bana. Du finn to kostar på bana, samt to linjekostar. Dei siste 5 minuttane av speletida skal nyttast til å klargjere bana for dei neste spelarane. Start kostinga langs nettet, følg yttersida ned, og jobb i store firkanta sirklar inn mot midten, og avslutt ut over sidelinja. På den måten vert grusen distribuert tilbake på bana.

Vatning:

Ein MÅ vatne bana før og etter spel dersom den er tørr. På varme dagar kan det vere naudsynt å vatne oftare. Tørre baner vert slitt svært raskt. Ta gjerne ein pause og vatn bana dersom det er veldig varmt og tørt. Det er også tryggare og betre å spele på ei fuktig grusbane.

Vatnslangen ligg på bana, men ein lyt setje på vatnet gjennom å vri på ei kran som er lokalisert rett bak bana, ved Volda Bygdetun.

Vatning skjer ved at slangetuten haldast litt skrått oppover, og førast sakte fram og tilbake. Juster dysa ved behov. Ein må ikkje rette tuten ned mot bana, då dette vil lage hol i dekket! Anbefalt vatningstid er 2 minuttar. Om det byrjar å danne seg dammar har bana fått nok vatn. Veit du at du er den siste som spelar for kvelden, så utfører ein sluttvatning. Dette gjer bana heilt vatntrekt, så her brukar ein litt meir vatn enn ved normal vatning.

Anna informasjon:

Om det førekjem groper mens ein spelar, må dei dekkast over med grus og pakkast godt, slik at speleflata igjen vert jamn og hard. Bruk gjerne ei skrape eller ei skyfle for å få bana heilt bein, og vatne gjerne over der du har brukt skrapa/skyfla. Dersom det er eit stort område, eller om grusen ikkje vil sette seg, anbefalast det å bruke valsa for å pakke grusen godt på plass. Husk her å bruke litt vatn på det aktuelle «sårområdet»

Det forventast elles at alle ryddar fint etter seg, og kastar alt av søppel i søppelbøtta ved inngangen. Av hensyn til naboar, og oppmoding til alminneleg folkeskikk vil det ikkje verte tolerert høglytt banning, kasting av racketer og anna ufin oppførsel.

 

Styret har valgt å opne tennishallen delvis for spel etter at FHI og NIF kom med retningslinjer. Reglar i smittevernlova SKAL fylgjast, samt set deg inn i koronavettreglane før spel i hallen.

Les skriva nedanfor NØYE, og følg reglane! Vert der oppdaga mislighald og regelbrudd må me diverre sjå oss nøydde til å stengje hallen for bruk igjen. Dersom alle tek ansvar for dette vert hallen ei kjærkomen avkopling for mange i denne tida.

Vamos!

 

VIKTIG INFO Covid-19

Oppdatert 03.04.2020

Idrettsforbundet har i samråd med Folkehelseinsitituttet kome med retningslinjer for idretten. Hovudregelen er at ein må følge smittevernlova:

· 2 m avstand

· Max 5 personar

· Ikkje bruke samme utstyr

Sidan det er utfordrende å ikkje bruke samme utstyr (ballar) i tennis kan ikkje Tennisforbundet på generelt grunnlag anbefale tennisspel.

Det er derimot ikkje spesielt lagt ned forbod mot tennis så lenge ein klarer å følge smittevernlova.

Etter nøye vurdering har Volda Tennislag med bakgrunn i dette valgt å DELEVIS opne opp for spel i tennishallen. Personar i risikogruppene for Covid-19 bes vurdere nøye om ein bør spele tennis i perioden framover. Følgende reglar SKAL følgast til punkt og prikke:

Koronavettreglar

Medlemmer i samme husstand:

1. Tørk av dørhandtak inn til hall og garderobe ved avreise

2. Bruk antibac eller såpe/og vatn grundig før ved ankomst OG avreise

3. Opphold dykk minimalt i hallen og følge rutiner for god handhygiene

4. Om du har symptom som kan minne om Covid-19 har du ikkje lov til å nytte hallen

5. Ta med ALT EIGE UTSTYR heim etter økta er ferdig.

Medlemmar som ikkje er i same husstand

1. Alle reglar nevnt over for samme husstand gjeld

2. MAX 2 personar i hallen samtidig.

3. Kun ein partner i perioden framover

4. Kvar spelar skal ha eigne ballar

a. Ballane må merkast/evt. forskjellig type.

b. Motstander skal ikkje berøre partner sine ballar

c. Ved serving skal KUN eigne ballar nyttast

Reglane MÅ følgast. Om vi ikkje klarer dette må vi stenge hallen for all aktivitet. Dei gjeld inntil anna er informert. Her må alle ta ansvar!

 

Helga 15-16 februar vart det avhalde Voldameisterskap i tennis innandørs i hallen på Bratteberg. Denne gong måtte diverre balltalentet og mangeårig meister Kai Are Strande melde forfall grunna sjukdom. Dette gav dei andre Voldaspelarane blod på tann, og mange låg i hardtrening og køyrde opp i mot to økter pr. veke forut meisterskapet. Rykta om forfallet til Strande hadde nådd heilt til Ålesund og eit par timar før påmeldingsfristen gjekk ut, hadde ikkje mor Maria Hellevik noko anna val enn å melde på eldstesonen Sigmund på 16 år, då ho skjøna at gutungen hadde gode moglegheiter på eit trofe, då hans tidlegare nemesis Strande, ikkje kunne stille dette året.

Totalt 14 spelarar stilte til start, inkludert ei kvinne. MangeÃ¥rig deltakar Ermelita Folkestad gjorde ein god figur bÃ¥de pÃ¥ bana, der ho til tider var tennisteknisk pÃ¥ Strande-nivÃ¥, samstundes som ho briljerte med meir smaksrike sveler enn noko Sunnmørsferge har Ã¥ by pÃ¥. 

Etter gruppespelet var det klart for kvartfinalar og 8 namn stod igjen. Fjorårets tapande finalist i VM utandørs, grusspesialist Ole Wirum møtte ringreven Hans Reite. Reite håpte nok på hjelp frå oven, men truleg er ikkje tennis Jesus sin favorittsport, for forehandslegga til Wirum viste ingen nåde og sendte Reite ut på dei evige jaktmarker med settsifra 6-2.

I den andre kvartfinalen møttest gladlaksen Arne Inge Rotevatn og mannen med kanskje det største vinnarinstinktet i Volda tennislag, Hallgrim Myklebust. Matchen bølgja att og fram og tilslutt var det Rotevatn som klarte å karre til seg sigeren, trass i at motstander Myklebust brukte all si mentale kraft på å hindre Rotevatn å yte maksimalt. 7-5 Rotevatn.

Etter dette intense oppgjøret var det duka for trebarnsfar Vebjørn Skeide mot ekstremdiettmannen, Kristian Nybakk. Dei fleste hadde her Nybakk som favoritt men sidan dietten han praktiserer ikkje gav han adgang til kakebordet i foajeen, var mange i tvil om han hadde nok sukker i blodet til å nedkjempe den fysisk overlegne Skeide. Skeide har teke store steg det siste halve året, takka vere han endeleg har skjøna korleis ein held i ein tennisracket. Vinnerinstinktet til Skeide er og uovertruffent, og ikkje alle glosene som vart presentert hadde gått igjennom sensuren til tidlegare nemnte Reite. Dog hadde Nybakk sin biff-frukost fungert som ein depottablett denne dagen, og han klarte dermed å halde energinivået høgt nok oppe til å kneble Skeide med 6-4.

I den siste kvartfinalen hadde Ã¥rets nykommar i Voldatennisen, Jørn Festøy booka sin plass. Dette mykje grunna ein serve som fÃ¥r John Isner til Ã¥ skjelve i buksene, samt ein tung og god forehand med spin i Nadal-klassen. Motstander var her unge Sigmund Hellevik Bergstøl frÃ¥ Ã…lesund. Av mor Maria Hellevik klassifisert som Noregs beste servar i sin Ã¥rsklasse. Det seier ikkje reint lite, men det seier og noko om at Hellevik ikkje hadde sett serven til volleyball-ess Festøy tidlegare. Servebataljen endte med favorittsiger til ungkalven, men Festøy imponerte til tider stort, og tok med seg tre games. 6-3 Bergstøl. 

I fyrste semifinale møttest Wirum og Rotevatn. Eit oppgjer prega av god stemning kampen gjennom, då motstandar Wirum klarte å more seg med alle småkommentarane til Rotevatn, istadenfor å la det verte eit irritasjonsmoment. Wirum hadde fått stilt inn forehanden mot Reite i kampen før, så Rotevatn vart tvunge frå side til side og kunne ikkje unngå settsiffra 2-6. I andre sett merka Wirum stor slitasje på den dårleg trente kroppen, og tjue år eldre men lettbeinte Rotevatn, kunne hauste frukta av å vere i betre fysisk forfatning enn sin motstandar. Merkeleg nok klarte Wirum å mobilisere, og tok matchen 6-2, 6-4.

I den andre semifinalen møttest Bergstøl, stortalentet frÃ¥ Ã…lesund og Kristian Nybakk. Bergstøl hadde her tydlegvis stÃ¥tt opp med rett tenÃ¥ringsbein og unnlot Ã¥ la dumme tenÃ¥ringsfakter komme i vegen for sin marsj mot finalen. ToppnivÃ¥et vart hyppig presentert, og sjølv ikkje Nybakk sin ekstremdiett kunne stoppe godstoget Bergstøl. Det enda med 6-1, 6-2 Bergstøl. 

Finalen bar på den eine sida preg av ein tenåring full av ungdommeleg kraft og ein litt eldre motstandar som ikkje hadde funne ungdomskjelda, men derimot store mengder med Voltarol og Tigerbalsam i tennisbagen. Dermed klarte Wirum på mirakulaust vis å fullføre kampen. Første sett var ein parademarsj for Bergstøl, og andre sett var prega av ein tenåring som ikkje tok sin motstandar seriøst. Dermed kunne Wirum tvinge fram ei tidleg 4-2 leiing. Her skjøna Bergstøl faren og skrudde på brytaren. Dermed vart Wirum kokt lenge før han nådde 100 grader, og sigeren var eit faktum. 6-1, 6-4 Bergstøl.

Takk til alle som bidrog til tennisfesten denne helga, og me hÃ¥par enda fleire ynskjer Ã¥ delta under Voldameisterskapet utandørs tidleg pÃ¥ hausten. 

Ole Wirum, referent.  

Volda Tennislag

Innkalling til Årsmøte.

på Volda Turisthotell, tysdag 10.03.20 kl.19:00.

Det blir servert pizza etter årsmøtet til dei frammøtte.

Sakliste:

1. Godkjenne dei som har stemmerett.

2. Godkjenne innkallinga og saklista.

3. Val av møteleiar, skrivar og to medlemar til å sign. protokollen.

4. Handsame årsmeldinga for 2019.

5. Handsame rekneskapet for 2019.

6. Handsame innkomne forslag/ saker.

7. Fastsette medlemskontingent og treningsleige for 2020.

8. Vedta budsjettet for 2020.

9. Val av nytt styre. 

Forslag på saker til årsmøte må sendast styret på sms eller på e-post seinast  01.03.20.til mobilnr. 47012458 eller Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Volda Tennislag

Vebjørn Krumsvik Skeide (leiar.)